कोरोना काळात कोमट पाणी पिण्यास का सांगितले जातंय ?

एवढा ताप आलाय आणि डॉक्टर कोमट पाणी प्यायला सांगताय ? असे कसे ? 

ताप असताना अजून कोमट पाणी कशाला ? 

 कोरोना रुग्णांमध्ये  मध्ये कोमट पाणी प्यायला डॉक्टर सांगतात तसेच कोरोनापासून बचावासाठी पण..? असे प्रश्न तर तुम्हाला पण पडत असतील .तर असे का ?                        

                                         

        तर कोरोना हा आयुर्वेदानुसार वात -कफज ज्वर आहे. आणि आयुर्वेदानुसार पित्तज ज्वर वगळता इतर ज्वरामध्ये उष्णोदक ( कोमट पाणी) द्यावे असे आचार्य चरक यांनी वर्णन केले आहे.

👉 उष्णोदक म्हणजे काय ?

उष्ण = गरम 

उदक = पाणी 

उष्णोदक म्हणजे गरम पाणी.

 👉पिण्यासाठी उष्णोदक कसे बनवावे  ?

पिण्यासाठी उष्णोदक ( कोमट पाणी ) बनवत असताना ते पाणी तापायला ठेवल्यानंतर त्या भांड्यावर न झाकता गरम होऊ द्यावे आणि नंतर ते आपोआप कोमट होऊ द्यावे व असे कोमट पाणी पिण्यासाठी योग्य आहे.

ते पाणी फ्रिज मध्ये ठवून गार करू नये.

👉  उष्णोदक सेवनाचे फायदे -

      १. ज्वराची उत्पत्ती आमाशयातून होते.आणि आमाशयोत्थ व्याधींमध्ये पचन देणे अपेक्षित असते म्हणूनच   -                  उष्णोदक वापरले असता पाचन कर्म घडून येते.

     २. उष्णोदकामुळे वाताचेही अनुलोमन होते.

     ३. उदरस्थित अग्नी प्रदीप्त होतो.

     ४.आहार सुखाने पचतो.

     ५. कफ कमी होतो.

     ६. थोड्या प्रमाणात उष्णोदक देऊनही तृष्णा ( तहान) शमन होते.